Pagatun-an sa subong sang Local nga gobyerno sang banwa sang Norala, South Cotabato kun paano makabulig ang gobyerno sa mga apektado nga sektor tungod sa pagsaka sang presyo sa gatong sa ila nga banwa.
Ini ang ginpahayag ni Mayor Clemente Fedoc- alkalde sang Norala, South Cotabato sa interview sang Bombo Radyo Koronadal.
Suno kay Fedoc, pagatun-an sang iya nga opisina ang mga tikang nga dapat himoon agud nga mabuligan man ang mga tricycle drivers sa iya nga banwa sa tunga sang asud-asud nga pagsaka sang presyo sang gatong.
Ginpahayag man sini nga nakadepende man ang ayuda sa availability sang budget sang iya nga banwa kag nakadepende man ang sahi sang bulig nga ihatag sa mga apektado nga mga residente.
Gindumdum man sini ang tion nga covid-19 nga nahimo man sang iya nga banwa nga makapanagtag sang ayuda sa mga sektor nga direkta nga apektado ang palangabuhian sa adlaw-adlaw.
Ginpahayag man sini nga ginaplano man niya nga makig-istorya sa mga trasport group sa iya nga banwa para mahibaluan ang sahi sang bulig nga kinahanglan sang mga ini nga sarang man mahatag sang LGU.
