KORONADAL CITY – Nagapangabay sa subong ang pamunuan sang provincial comelec office sang South Cotabato sa tanan nga mga botante nga kuntani makaangkon na sang leksiyon sa natabo sang naglabay nga voter’s registration sa diin tuman ka laba ang pila sang mga luyag magparehistro sa Koronadal City Comelec Office sa last day sang registration.
Sa interview sang Bombo Radyo Koronadal kay Atty. Jay Gerada, PES-South Cotabato, ginpahayag sini nga indi kuntani hulaton sang mga magaparehistro ang ang last day agud nga indi mag-ginutok kag magdinaguso ang mga ini.
Dugang pa ni Atty. Gerada, dapat nga samtang malayo pa ang deadline nagpadulong na ang mga ini sa comelec agud nga malikawan ang pagdinaguso sang mga mga botante sa tion sang deadline.
Suno pa kay Gerada, madugay man ang tion nga gin-alokar sang ila nga talatapan para sa pag-akomodar sa mga botante apang naguwa nga madamo sa gihapon ang nagdinaguso sa last day ang registration.
Madumduman nga naglab-ot sa roundball ang kalabaon sang pila sang mga luyag maghingagaw sa pagparehistro sa Koronadal City Comelec Office sa katapusan nga adlaw sang Voters Registration sang naglabay nga eleksiyon.
Una diri, ginpahayag ni Atty. Jay Gerada nga sa September 30,2024 na ang last day sang pagparehistro kag wala sang matabo nga extension sa voters registration bangud kinahanglan pa ini nga aprubahan sang Registration Board sang Comelec.
