Lambayong PNP, may persons of interest na angot sa pagluthang sa isa ka barangay kapitan

Yara na sa estable nga kahimtangan ang isa ka Brgy Kapitan makaligad nga ginluthang sang wala pa makilalal-an nga suspek sa Brgy Pimbalayan, Lambayong, Sultan Kudarat.

Sa esklusibo nga interbyu sang Bombo Radyo Koronadal kay Pol Lt Gino Fegarido, hepe sang Lambayong PNP, ginpahayag sini nga yara na sa luwas nga kahimtangan si Mosaid Kandatu makaligad nga gintiro sang malapitan sang suspek sa ila nga barangay gym.

Naigo sa tiyan ang biktima nga gilayon gindangat sa balay bululngan.

Sa karon, may yara naman sang persons of interest ang PNP sa nasambit nga insidente kag personal grudge naman isa sa mga ginatan-aw nga rason sang pagpangluthang kun sa diin nakabaton na sang pagpamahog ang biktima antes natabo ang krimen