KORONADAL CITY- Gina-istoryahan sa karon ang isa ka lalaki sa Indonesia makaligad ang iya sini nga tikang sa pagpangasawa.
Nahibaluan nga nangin viral sa social media ang mga laragway sa kasal sang isa ka lalaki nga may 2 ka bride.
Sa pagpa-athag sang lalaki, ginpakaslan sini ang duwa sini ka nobya agud nga wala sang masakitan sa iya desisyon nga magpakasal.
Wala man suno pa ini sang nakit-an nga sala sa pagpakasal sa isa lang ka babaye bangud wala man suno sang laye sa ila nga pungsod nga nagadumili diri.
Nahibaluan nga sa Indonesia ginatugutan ang Polygamy ukon ang pagka-angkon sang multiple partners basta nagahilisugot lang ang magtimbang nga bahin.
Sandig sa laye sa Indonesia, sarang nga makapangasawa ang isa ka lalaki sang tubtob sa 4 ka asawa sa kondisyon nga masarangan nya ini nga mabuhi sang patas.
Bangud ginatuman sa gihapon sa nasambit nga pungsod ang paghatag sang dowry, naghatag man ang lalaki sang $0.70 ukon halos P40.00 kada isa.
Apisar gamay suno pa ang nasambit nga kantidd , ginahatagan nila ini sang importansya ang nasambit nga tradisyon kag ginahatagan man sang bili ang pagpalangga ka gang intension sang lalaki sa baylo sang mga material nga pagkabutang.
