Wala na sang kabuhi sang masapwan ang nalunod nga lalaki sa lake sa Sitio Lemnabul, Poblacion, Lake Sebu, South Cotabato.
Sa interbyu sang Bombo Radyo Koronadal kay Mayor Floro Gandam, ginpahayag sini nga ang biktima ang ginkilala kay Charlie Unak Abid, 49 yeras old kag residente sa nasambit nga lugar.
Ginpahayag nga basi sa nabaton nga report sang alkalde, gin atake suno pa sang high blood ang biktima samtang ini ang nagapangisda sa nasambit nga lake.
Natabo suno pa ang insident kahapon takna alas 3 sang hapon samtang ginakay-o sang biktima ang iya nga fish net sang isda.
Ini suno pa ang una nga panghilitabo makaligad ang 10 ka tuig nga may nalunod man sa nasambit nga lake.
Nahibaluan nga tuman ini kadalom kag padayon nga ginapahalong sang talatapan sang MDDRMO ang mga tao ilabi na ang mga estudyante bangud nga delikado ang amo nga lake.
Gilayon naman nga naghatag sang bulig ang LGU Lake Sebu sa nabilin nga pamilya sang biktima.
