-- ADVERTISEMENT --
Nakilala na sang pamilya ang lalaki nga nasapwan-patay kahapon nga adlaw sa isa ka liblib nga parte sang Purok Big Spring, Barangay Cebuano, Tupi, South Cotabato.
Sunô sa mga report, ang lawas ginlubong sa duta kag nadiskubrehan sang mga residente.
Ginkilala ang biktima nga si Larryben Sabio, pamilyado kag residente sa Banwa sang Polomolok South Cotabato.
Suno sa inisyal nga imbestigasyon, bag-o pa man nadula ang biktima may mga nabaton na ini nga threats kag nahibal an nga anay nga preso ang nasambit nga biktima sa kaso sang pagpangawat.
Sa karon, padayon pa ang imbestigasyon sang mga awtoridad sang paghibalo sa motibo kag yara sa likod sang nasambit nga pagpatay.
