Naglakat sang masobra 1,200 ka kilometro sa sulod sang duha ka bulan ang isa ka kuring nga ginapahayag nagtalang sa Yellowstone National Park sa US.
Sandig sa report, nadula ang kuring nga ginhingadlan kay Rayne Beau, duha ka tuig nga seal point mitted siamese sang Hunyo 4.
Suno sa tag-iya nga sanday Susanne kag Benny Anguiano gikan sa Salinas, California, nga ginpangita nila ang nasambit nga kuring sa park sa lima ka sunod-sunod nga adlaw apang wala nila ini natalupangdan.
Isa ka bulan matapos madula si Beau, nagdesisyon ang mag-asawa nga magsagod sang bag-o nga kuring apang ginkakibot nila sang nagtawag ang isa ka pet rescue center kag nagpahibalo nga yara sa ila poder ang si Beau.
Ginkalipay naman sang mag-asawa nga makita ang ila hinuptanan apang nasuboan man bangud nagniwang ini sang ginabanta 3 ka kilo.
