Nagpanawagan ang Koronadal City Traffic sa mga motorista nga magpabilin disiplinado sa dalanon kag likawan ang madasig nga pagpadalagan sang salakyan agud malikawan ang kasubong nga insidente. Ini makaligad sa nagluntad nga nga vehicular accident sa Golden Valley Eternal Garden, Koronadal City kahapon nga adlaw sang Dominggo, Oktubre 26,2025.
Sa interview sang Bombo Radyo Koronadal kay PSGMT Fely Bascon, Traffic Investigator . Ginkilala ang biktima nga si alyas “Allan,” 28-anyos, single, residente sang Brgy. Paraiso, Koronadal City kag drayber sang Skygo125 nga naduag sang black kag red kag may plate #747MYC. Base sa mga saksi, antes pa nagluntad ang aksidente, nagazigzag na ang motorsiklo sang biktima bangud nga yara ini sa impluwensya sang makahulubog nga ilimnon.
Dugang pa ni PSGMT Bascon, nag-overshot ang biktima sa diin nangin tunaan sang pagbangga sini sa isa ka Toyota Vios nga nagaduag sang orange metallic, may plate #NAX1714, kag ginamaneho ni alyas Eva, 49-anyos, single, kag residente sang GPS, Koronadal City. Gilayon nga gindala sa ospital ang biktima, pero nakaangkon siya sang head kag body injuries nga nagtuga sang iya kamatayon.
Nagpanawagan man si PSGMT Bascon sa mga motorista nga magpabilin disiplinado sa dalanon kag likawan ang madasig nga pagpadalagan sang salakyan agud malikawan ang kasubong nga insidente.
