Padayon ang paalinton sang mga katapo sang Koronadal City PNP Traffic Section sa mga menor-de-edad nga likawan ang pagpartisipar sa drag racing sa kalabaon sang national highway.
Ini ang nangin pahayag ni PSMSgt Fely Bascon ng Koronadal City PNP Traffic Section sa interview sang Bombo Radyo Koronadal.
Kasunod ini sang pagkapatay sang isa ka sultero makaligad nga naulamid ini sang disgrasya sa dalonon bangud sa pagpartisipar sini sa Drag Racing sa syudad sa bahin sang National highway, Purok Maligaya, Barangay Carpenter Hill,Koronadal City.
Ginkilala ni PSMSgt Fely Bascon sang Koronadal City PNP Traffic Section ang biktima nga si “Ronel” 23-anyos , sultero kag residente sang nasambit nga lugar.
Sandig sa imbestigasyon sang Koronadal City PNP Traffic Section, naga karera suno pa ang biktima kag ang 3 ka mga kaupdanan sini sang nagluntad ang aksidente.
Suno pa sa pahayag ni Bascon, naga karera ang biktima kag kaupdanan sini sa sa lugar sang hinali nga nagliko ang isa ka pick-up kabangdanan nga nabunggo-an ini sang biktima.
Sa kabaskog sang impact sang pagkabangga gupi ang parte sang pick up samtang wasak naman sang ginasakyan ni “Ronel” kag nagtabog ini sang pila ka metros halin sa “point of collision”.
Nag-agom sang malala nga pilas kag bali ang lawas sang biktima sa nasambit nga pagkabunggo.
Gintilawan pa nga ihingagaw sa balay-bululngan ang biktima apang gindeklarar na ini nga Dead-on-arrival sang doktor.
