KORONADAL CITY – Ginpasakaan na sang kaso nga murder ang tatlo ka prime suspects sa pagpatay sa isa ka estudyante sa banwa sang Tantangan, South Cotabato.
Ini ang ginpahayag ni Police Major Randy Apostol, chief of police sang Tantangan MPS sa interview sang Bombo Radyo Koronadal.
Ginkilala ang biktima nga si Christian Paul Valdez, 19 anyos, criminology student kag residente sang Barangay Poblacion sa nasambit nga banwa.
Naguwa sa imbestigasyon sang kapulisan nga samtang ginamaneho sang biktima ang tricycle sini halin sa Tacurong padulong sa banwa sang Tantangan, naagyan sini ang mga suspek nga nagalakat halin sa siyudad sang Koronadal nga ginkilala kanday Laurence Pagayon, 28 anyos, utod sini nga si Junriel Dejapa kag pakaisa nga si Archie Pagayon ..// Wala suno pa sang anuman nga rason nga gintiro ni Pagayon ang biktima gamit ang bitbit sini nga improvised nga armas luthang.
Bangud suno pa sa kahulugbon rason nga nahimo sang suspek ang krimen.
Nadala pa sa hospital ang biktima apang bangud sa malubha nga igo sini sang bala, napatay ang biktima.
Naaresto naman sa follow up operation ang mga suspek kag yara na subong sa kustodiya sang kapulisan.
