KORONADAL CITY – Nakatilaw sang lecture ang mga kapulisan sa siyudad sang Koronadal sa pag-abot kahapon ni PNP chief Director General Oscar Albayalde kadungan sang iya personal nga pagbisita sa Christ the King Cathedral, ang lugar nga ginluntaran sang pagsigabong sang bomba.
Suno kay PNP Chief Albayalde, kinahanglan nga dugangan ang police visibility sa bug-os nga siyudad agud nga indi na matabo pa ang pagpamomba.
Kadungan sini, gin-awhag man sang opisyal nga indi mangin kampante lamang ang mga pulis indi lamang sa siyudad sang Koronadal kundi mangin sa bug-os nga probinsiya sang South Cotabato agud nga mapunggan ang anuman nga plano sang kalakasan nga tuga sang mga terorista.
Magluwas diri, dapat man nga pabaskugon ang intel operatives kag dugangan man ang mga police personnel.
Kun kinahanglan sang augmentation sang Armed Forces of the Philippines (AFP) hingyuon suno pa gilayon agud nga mapunggan ang anuman nga problema.
Nahibaluan nga gilayon nga ginsapol PNP Chief Albayalde ang kapulisan sa bug-os nga South Cotabato kaupod na ang mga opisyal agud nga mahibaluan ang raesulta sang imbestigasyon sa natabo nga pagpamomba nga ginkapilas sang 2 kag ginakatrauma pa sang isa.
