KORONADAL CITY -Nagapadayon sa subong ang imbestigasyon sang mga otoridad sa 2 ka mga menor-de-edad nga gina alegar nga nagpangawat sa isa ka balay sa bahin sang Prk. Centro 1 Brgy. Morales Koronadal City.
Sa interview sang Bombo Radyo Koronadal kay Ms. Janel Lucero, tag-iya sang panimalay, ginpahayag sini nga tigayon nga nakawat sang 2 ka mga menor-de-edad nga mga suspek ang isa ka unit sang cellphone sang magulang sini nga lalaki nga malapit lamang sa bintana sang ila nga balay.
Ginpahayag niya man sini nga kulukasubong nga kabisado suno pa sang mga kawatan ang ila nga balay bangud daw tag-iya lamang ang mga ini sa ila nga pagpangawat sanga kaagahon sang Lunes, Mayo 27, 2024 takna alas 3:44 sang kaagahon.
Nakuha naman sang ila nga na-install nga Closed Circuirt Television ang footage sang mga kawatan samtang naga palagyo ang mga ini makaligad nga nakuha ang cellphone sa sulod sang panimalay sang mga biktima.
Ginpahayag naman sini nga indi ini ang una ang tion nga nakawatan ang ila sini nga panimalay.
Nagpaabot naman ini sa ngreklamo sa pamunuan sang barangay agud nga maaksyunan ang nasambit nga panghitabo.
Kaangot sini, nagpaadam ang kapulisan sa mga pumuluyo sa siyudad nga mangin alerto kag siguraduhon nga nakasirado sang maayo ang mga pwertahan sa pagtulog ukon pagbiya sa mga panimalay agud indi magmadinalag-on ang mga kawatan sa ila tinutuyo.
