“Bawal ang Boga”,ini ang matinggas nga pagpamahayag ni Provincial Director Police Colonel Samuel T. Cadungon sang South Cotabato Police Provincial Office ukon SCPPO sa ginpatigayon nga Kapehan sa SCPPO sang damlag lang.
Suno kay PD Cadungon,ginadumilian ang paggamit sang mga improvised Noisemakers ukon Boga bangud ginabayolar sini ang Republic Act 7183 nga nagadumili sa paggamit,paghimo kag pag regulate sa mga nagapamaligya sa hinambitan kag kasubong nga palupok.
Mahibaluan man nga may mga ma naipagkait na nga mga reklamo sa mga kabarangayan kaangut sa tuman nga kagahod sang boga nga nagatuga sang dako nga pagkadisturbo sa mga pumuluyo ilabi na sa oras sang pagtulog.
Liwat naman nga nagpangabay si PD Cadungon sa publiko nga mag-report sa mga opisyal sa mga kabarangayan kag kapulisan agud makumpiskar ang mga Boga kag iban pa nga sahi sang ginadumilian nga palupok.
