Kapulisan, gin-gabot ang tubo nga ginapatihan alagyan sang hangin panaog sa ginapanaguan ni pastor Quiboloy

Gingabot sang kapulisan ang isa ka tubo nga nahamtang sa nalikod nga bahin sang Kingdom of Jesus Christ Cathedral Lounge sa ikalima nga adlaw sang nagapadayon nga pagpangita kay Pastor Apollo Quiboloy.

Suno sa mga pulis, dako ang posibilidad nga exhaust pipe ang tubo nga naytukiban ukon alagyan sang hangin nga lusot sa bunker nga ginapanaguan sang Pastor.

Nahibaluan nga ang Cathedral amo ang ginabalik-balikan sang mga otoridad bangud na-detect nga hearbeat sa lugar gamit ang ila nga apparatus kag ginapatihan nga iya ini ni Quiboloy.

Sa karon, wala sa gihapon nagauntat sa operasyon ang kapulisan matapos nga ginklaro sang korte nga wala nila ginapauntat ang pagserbe sang warrant of arrest batuk kay Quiboloy kag sa mga kaupdanan sini.