Unahon pirmi ang kaluwasan sang kaugalingon kag pamilya. Ini ang nangin pahinumdom ni Kapitan Ferdinand Encia sang Barangay Buto, Tampakan, South Cotabato, sa interview sang Bombo Radyo Koronadal, matapos ang isa ka insidente nga nagresulta sa kamatayon sang isa ka lalaki.
Suno kay Kap. Encia, indi mga residente sang Barangay Buto ang mga biktima kag sila nagapanghunting sang mga manok ihalas sang Lunes, apang wala na nakabalik sa ila pamilya.Gilayon nga nagresponder ang mga opisyal sang barangay sa lugar sang insidente, apang didto nila natukiban nga patay na ang biktima.
Bangud sini nga insidente, liwat nga nagpahinumdom si Kap. Encia sa publiko nga untaton na ang paghunting sang mga manok nga halas sa mga kabukiran bangud apisar pa nga malinong ang isa ka lugar, kinahanglan magpabilin gihapon nga alerto kag pirmi unahon ang kaluwasan sang kaugalingon, bangud may mga tawo nga may indi maayo nga intensyon.
