Kandidato sa pagka barangay kagawan arestado sa iligal nga droga sa Cotabato City

KORONADAL CITY- Nalab-ot sa 83 ka pakete sang shabu ang narekober sa isa ka anay Village Chief sa syudad sang Cotabato sa ginpatigayon nga Search Warrant implementation sang PDEA-ARMM, Cotabato PNP kag AFP.

Nahibaluan nga ang target amuh si Alladin Matabalao Darping 56 anyos residente sang Kapinpilan Kalanganan Mother,Cotabato City isa ka anay village chief kag kandidato kun tani sa pagka barangay kagawad sa nasambit nga barangay.

Luwas sa narekober nga 83 ka pakete sang shabu nga may balor nga yara sa P102,000, nakuha man sa posisyon sini ang passbooks, assorted documents kag IDs.

Ginpasakaan man ini sang kaso nga paglapas sa RA 9165 o Comprehensive Dangerous Drugs Act of 2002 kag sa karun yara na sa kustodiya sang PDEA-ARMM.