KORONADAL CITY – Ginhatagan pagkilala ni Koronadal City Mayor Eliordo Ogena ang kooperasyon sang komunidad agud mapasanyog ang mga programa para sa benipisyo sang katawhan.
Suno kay Mayor Ogena, ang pag-empower sa mga pumuluyo sa pagkooperar sa Barangay Development Program ang may dako nga nakontribwer agud magtindog sa tagsa-tagsa nila nga plano ang mga Sitio, Purok kag mga Barangay sa bug-os nga siyudad.
Buot silingon, ang pagbuylog sang tanan nga pumuluyo sang siyudad ang ginhimo nga paagi sang alkalde agud nga hatagan sang ligwa ang importansiya sang selebrasyon sang Araw ng Kalayaan.
Gin-admiter ni Mayor Ogena nga apisar sang mga problema nga ginaatubang sang tanan, masarangan naton nga mag-umwad paagi sa kooperasyon kag partisipasyon sang tanan.
Paagi sini, ginahatagan man sang ikasarang ang kada komunidad nga magtindog sa kaugalingon nila nga tiil.
Nahibaluan nga ginpangunahan sang alkalde ang programa, ceremonial rites kag mga aktibidad para sa selebrasyon sang ika-126 ka tuig nga anibersaryo sang Araw ng Kalayaan sa Rizal Park diri sa siyudad sang Koronadal kaina sang aga.
