Gindumdom sang aktres nga si Janine Gutierrez ang iya napatay nga lola ukon “Mamita” nga si Pilita Corrales matapos sia ginhingadlan nga “Sexiest Woman Alive” sang Esquire Philippines magazine.
Labing una nga babayi si Janine sa sulod sang pito ka tuig nga ginkilala sang nasambit nga outlet bangud ulihi ini nga naghatag sang amo nga tig-ulo sa beauty queen nga si Catriona Gray pila lang ka bulan matapos ini magdaog bilang Miss Universe 2018.
Sa isa ka interview sa media, ginpahayag ni Janine nga malipay gid kuntani sa amo nga title ang iya “Mamita” nga si Pilita nga amo ang una nga tawo nga nagtawag sa iya nga “knockout.”
Suno kay Janine, ulihi na lang niya nahibaluan nga ang “knockout” nagakahulugan man nga “sexy.”
Magluwas sa iya lola, sigurado man si Janine nga ang isa pa ka tawo nga proud sa iya “Sexiest Woman Alive” photoshoot amo ang iya partner nga si Jericho Rosales.
Pahayag sang aktres, nga nalipay sia nga suportado sia ni Jericho sa tanan niya nga ginaobra ilabi na sa linya sang ila trabaho.
