Arestado ang isa ka suspek sang Koronadal City PNP sa bahin sang Barangay GPS Koronadal City kahapon nga adlaw sang Lunes, Nobyembre 11, 2025.
Ginkilala ang suspek sa kay alias “Rixon”, 31 anyos, lalaki, soltero, trabahador, kag residente sang nasambit nga lugar.
Nagapanagatubang ang suspek sa kaso sang Theft nga may Criminal Case No. 25574 nga may piyansa nga ginrekomenda nga nagabalor sang Anum ka Libo ka Pesos (Php6,000.00) nga gin-isyu ni Hon. Caroline Anne Zantua Tajon, Acting Presiding Judge, Municipal Trial Court in Cities, 12th Judicial Region, Koronadal City, South Cotabato nga napetsahan Nobyembre 4, 2025.
Samtang ang nasambit nga akusado ginpahibalo sang iya constitutional rights kag yara na karon sa kustodiya sang Koronadal CPS para sa dugang nga disposisyon.
