KORONADAL CITY – Yara na sa subong sa isa ka isolation facility ang isa ka Locally Standed Individual (LSI) kag pasyente nga nagpositibo sa Covid-19 kag nagpalagyo sa isolation facility sa Manila nga nagpuli sa syudad sang Koronadal.
Ini ang ginkumpermar ni Dr . Edito Vego, OIC-City Health Officer sang Koronadal sa interview sang Bombo Radyo Koronadal.
Suno sa iya, nagpuli ang nasambit nga individual sa Korondal para magtambong kuntani sa haya sang napatay sini nga kapamilya sa Barangay Sta Cruz Koronadal City.
Dugang pa sang opisyal, sa bulig sang mga health authorities sang Manila , natumod ang pangalan kag ang address sang individual kag madasig na ini nga ginbutang sa Isolation Facility para obserbaran.
Naga patigayon naman sang Contact tracing sa subong ang mga katapo sang CHO-Koronadal para matumod ang mga close contacts sini sa pag puli sang amu nga LSI halin sa tupad sa eroplano, mga nakasulapo sa van kag mga nagtambong man sa haya kun sa diin nakakadto ang amu nga nagpositibo.
