Pilason kag naga paayo sa subong ang isa ka persona makaligad nga aksidente sini nga naluthang ang kaugalingon sa bahin sang Prk. Centro, Brgy. San Jose, Koronadal City.
Naguwas sa imbistigasyon nga yara sa idalom sang impluwensiya sang makahulubog nga ilimnon ang nasambit nga biktima.
Ginkilala sang Koronadal CPS ang biktima sa isa ka alyas “Ron”, 28 anyos kag residente sang nasambit nga lugar.
Suno sa otoriadad, halin sa isa ka ilimnan ang biktima sang nagpuli sa puluy-an sang isa ka Police Patrolman sa diin nati-on man nga naga panglimpyo ini sang iya nga Beretta 9mm issued firearm.
Nakuha suno pa sang biktima ang armas sang pulis sa diin gin-usar niya ini kag aksidente nga naglupok ini kag naigo ang biktima sa iya nga dughan.
Madasig naman nga gindangat sang pulis ang biktima sa isa ka pribado nga balay bululngan agud nga madapatan sang naga kaigo nga medical attention kag yara na sa luwas nga sitwasyon
