Wala na sang kabuhi sang nasapwan ang isa ka lalaki sa sulod sang ila bunk house sa isa ka machine shop nga nahamtang sa Spring Valley Compound, THIDCOR, Purok Manisan, Brgy. Tambler, General Santos City.
Ginkilala ang biktima nga si Edilberto Nobleza Dapitan, 38 anyos kag residente sang Megaland Subdivision, Brgy. Carpenter Hill, Koronadal City,
Ang ginatudlo nga suspek amo si alyas “Lalang”, 30 anyos, residente sang Digos City, nga isa man ka stay-in nga empleyado sa nasambit nga lugar.
Suno sa inisyal nga imbestigasyon, sang gab-i sang Abril 11, 2025, ang biktima kag ang suspek nagapahuway na sa ila bunk house sang nagluntad ang isa ka mainit nga diskusyon nga nagtuga sang pagpangbuno sang suspek sa biktima.
Ang biktima nakabaton sang madamo nga pilas sa lawas nga amo ang gintunaan sang iya kamatayon.
Gilayon naman nga nagpalagyo ang suspek pagkatapos sang insidente.
Sa subong, padayon ang ginahimo nga follow-up investigation kag hot pursuit operation sang mga otoridad agud matukiban ang kabangdanan sang krimen kag madakop ang suspetsado.
