Isa ka Chinese nga lalaki nga gintawag lang nga “Uncle” ang nagaistar subong sa kabukiran matapos ma heart broken.
Naghiwalay sila sang babaye nga iya ginahigugma.Gintawag siya nga Uncle sang mga nakakita sa iya kay ginahunahuna sang mga ini nga ara na siya sa iya 40s.
Mataas na man ang iya hairline kag makita gid ang mga wrinkles sa iya eye area.
Sa video nga gin-upload sang content crreator nga si Xiangzi Baby sang Hulyo 24, 2024, makita si Uncle nga yara sa iya gamay nga tent.
Halos sakto lang ini para sa iya pagtulog.
Sa guwa sang tent may kariton, mga plastic containers kag iban pa niya nga gamit para sa iya adlaw-adlaw nga aktibidad.
Sang gintawag siya nga “Uncle” sang nagkuha sang video, nahibaluan nga ang iya edad 24 anyos lang.
Ginpakita man niya ang iya identification card nga nagasiling nga natawo siya sang Disyembre 2000.
Sang ginpamangkot kon ngaa daw doble ukon tigulang gid ang iya hitsura kon ikumpara sa iya matuod nga edad, ginsiling ni Uncle nga indi siya abnormal, kag wala siya sang rare genetic disorder.
Nagdali lang suno pa ang iya pagtigulang kag nag-abot sa punto nga daw tito na siya tungod sa sobra nga exposure sa init sang adlaw sa kabukiran.
