Nagatanyag sang $6,000 nga kantidad ang isa ka kompanya sang plant-based pet food sa Britanya para sa isa ka tag-iya sang ido nga magbaylo sang diet sang ila hinuptan sa sulod sang duha ka bulan, kag obserbaran ang baho sang higku.
Suno sa OMNI, kompanya nga naga-specialize sa plant-based dog food, nagapangita sila sang dedikado nga tag-iya sang ido sa pagsimhut sang higku sang ila pet agud ma-test ang epekto sang plant-based diet sa digestion, baho sang higku kag pangkabilugan nga ikaayong lawas sang sapat.
Pagabayran ang tagdaug nga aplikante sang $6,685.82 sa pagamit sang OMNI dog food sa sulod sang duha ka bulan kag mag-report sa epekto sang pagkaon sa bowel movements, poop odor, lebel sang enerhiya, sleep patterns, bug-at kag fur condition sang ido.
Ginabaton sang kompanya ang mga aplikasyon paagi sa ila website tubtob sa Marso 31.
