KORONADAL CITY- Magapangatubang sa patong-patong nga kaso ang isa ka extortionist nga ginagamit ang PNP para makapangbiktima sa Polomolok South Cotabato.
Ginkilala sang Polomlok PNP ang suspek nga si Gabriel Maloloy-on, alias “Gabi” 49 anyos
nga taga Barangay Klinan, Polomolok, South Cotabato.
Sa impormasyon nga nakuha sang Bombo Radyo Koronadal, si Maloloy-on ang gin-aresto sang mga kapulisan sa Barangay Rubber.
Ini makaligad nga may nagsugid sa mga kapulisan nga isa ka nagapang-iya sang isa ka mini-peryahan sa nasambit nga lugar nga nagapangayo suno pa ang suspek sang iya nga protection money.
Ang nasambit suno pa nga suspek ang nagpakilala nga konektado sa nagkalain lain nga grupo sang mga otoridad.
Nakuha sang mga pulis kay Maloloy-on ang P3,000 nga nakuha niya sa nagreklamo, granada, isa ka sachet sang suspected shabu kag motor nga wala sang lisensya.
Magapangatubang naman sang kaso nga Illegal Possession of Explosive at Robbery Extortion ang nasambit nga suspek.
Sa karon padayon naman nga nagapanawagan ang COP sang Polomlok MPS sa tanan nga mga pumuluyo nga kung mahimo mag kooperar lamang sa ila agud gilayon nga marespondehan ang mga persona nga may yara sang makadulududa nga ginahimo.
