Padayon sa gihapon ang imbestigasyon sang BFP Koronadal angut sa nagluntad nga sunog sa Purok Pinagbubuklod, Barangay Zone 4 sa syudad sang Koronadal.
Ini ang nangin pahayag ni FO2 Darryl Jade Cabangal Operation section sang BFP Koronadal sa interview sang Bombo radyo.
Suno kay Darryl, Posible nga ang gin umpisahan sang sunog sa nasambit nga barangay halin sa parte sang salakyan nga duha naka park sa gwa sang balay.
Dugang pa kay Darryl, sang nabaton nila ang report gilayon nila gin kadtuan ang lugar dala ang duha ka firetruck para mag responde kag nagapasalamat man sila nga wala may nakapagkit nga injuires sa nagluntad nga sunog.
Sa subong padayon naman suno pa ang ila madalom nga imbesigasyon agud matumod gid ang ginhalinan sang sunog.
Ginbulobanta naman nga naglab-ot sa 5 million pesos ang danyos nga naguba sa nasunog nga balay.
Panawagan naman ni FO2 Darryl, nga mag mahinalongon siguradohon ang seguridad sang panimalay kag mag report gilayon para sa insigida nga askyon.
