KORONADAL CITY – Patay na sang masapwan ang isa ka inmate sang South Cotabato Provincial Jail sa sulod mismo sang hulot sini alas-7:00 kaina sang aga.
Ginkilala ang napatay nga inmate kay Jo Sawang, 48-anyos kag residente sang Sitio Lampilit, Brgy. Lampugon, Lake Sebu, South Cotabato.
Suno sa impormasyon nga ginpalab-ot sa waragwagan sang Bombo Radyo Koronadal, nagpatigayon sang inisipay ang mga guwardiya sang presohan sang matalupangdan nga kulang ang mga inmates kag gilayon nga ginpangita ini.
Nahibaloan nga yara si Sawang sa iya hulot kag wala na ini sang pangkalibutan.
Gilayon naman nga gindala sa South Cotabato Provincial Hospital ang inmate apang gindeklarar ini nga Dead on Arrival.
Sa subong padayon pa nga ginahibalo ang gintunaan sang kamatayon ni Sawang.
