Nag-deploy na sang mga otoridad kag BPATs matapos gin-report nga nasunog ang isa ka balay sa Maharlika Street, Purok Sampaguita, Osita Subd., Brgy. Zone II, syudad sang Koronadal.
Ini ang nangin pahayag ni Melvin Abris – Punong Barangay sang Barangay Zone 2, sa interview sang Bombo Radyo Koronadal.
Suno kay Abris, gindangat ang report sang sunong sa ila talatapan ala 1:30 sang hapon kag gilayon man nga aksyunan sang mga Bureau of Fire Protection (BFP) Koronadal kag mga volunteer fire brigades.
Sandig sa inisyal nga imbestigasyon, ginabulubanta nga yara sa P1.9M ang damyos sang nasambit nga sunod, apang wala man sang may napagkit nga napatay ukon napilasan sa insidente.
Sa karon, padayon sa gihapon ang mga otoridad sa pagpatigayon sang “mopping up operations” kag ginatumod man ang gintunaan sang nasambit nga sunog.
