Wala na sang hurisdiksyon sang Supreme Court sa case nga ginpasaka batok kay anay presidente Rodrigo Roa Duterte bangud ara na ini sa kamot sang International Criminal Court (ICC).
Ini ang ginpaklaro sa ni Atty. Gerard Mosquera- Former Deputy Ombudsman for Luzon sa interview sang Bombo Radyo Koronadal.
Suno sa iya, mangin “moot and academic” na ang tanan nga mga petition nga ginfile sa Supreme court agud nga pabalikon sa Pilipinas ang anay Presidente kag balabagan ang imbestigasyon batok sa crime against humanity ni FPRRD.
Suno pa sa anay Deputy Ombudsman, ang mga reklamo mangin “moot and academic” nga bout singganon, wala na sang pulos pa bangud wala sang hurisdiksyon ang anu man nga korte sa Pilipinas sa kaso sang anay Presidente kag ang full in-charge na sa karun sa kaso amu ang ICC.
Magkala-dismiss man ang tanan nga petition sa korte sa Pilipinas bangud indi na sarang e-orderan sang Korte ang ICC nga ibalik pa si DutertE.
Madumduman nga suno kay National Bureau of Investigation, Director Jaime Santiago, may kaugalingon sang rules ang ICC nga indi lakip sa hurisdiksyon sang Philippine Court.
Dugang pa ni Santiago, ang mga nasambit nga rules amo ang naga siling nga maskin indi na miyembro ang Pilipinas sa ICC, magapabilin nga may hurisdiksyon ang ICC bangud natabo ang mga aksyon sang anay presidente antes pa nagkalas ang pungsod sa ICC.
Suno pa kay Santiago, indi na malab-ot sang iya pagiging RTC judge ang mga diksuyon pareho sini bangud high level na suno pa ang amo sini nga butang.
Dugang pa, ang ICC lang ang makasentinsiya sa nagluntad nga war on drugs.
