Masako subong ang House prosecution panel para sa masusi nga preparasyon para sa impeachment trial ni Vice President Sara Duterte sa Senado.
Ginlaragway ni Batangas Rep. Gerville Luistro ang ila sitwasyon nga kasubong liwat sila nga naga-preparar para sa Bar examinations, bangud halos tanan nga miyembro sang panel ang naga-review sang rules on evidence kag iban pa nga legal nga proseso.
Suno kay Luistro, nagpatigayon ang grupo sang nagligad nga Miyerkules sang “prosecutors learning from prosecutors” session nga ginpangunahan ni Rep. Chel Diokno.
Gindiskusyonan diri ang mga pagsulundan sang mga ebidensya kag iban pa nga proseso.
Angot diri,ginkay o man sang panel ang mga listahan sang mga testigo, mga dokumento, video, kag iban pa nga ebidensiya nga iga-present sa kada articles of impeachment.
