Nagpanawagan si Sen. Risa Hontiveros nga ilakip ang transport cooperatives sa ayuda sang gobyerno bangod sa pagsaka sang presyo sang petrolyo bangud sa nagapadayon nga kinagamo sa Middle East.
Suno sa iya, wala sang bulig nga nagaabot sa mga kooperatiba, gani madamo nga driver ang indi makapasada.
Ginpahayag man niya nga dapat suportaran ang tanan nga transport providers agud malikawan ang pagka-paralisa sang pampubliko nga transportasyon.
Ginahingyo niya ang Department of Budget and Management nga usisa-on ang pag-usar sang pondo sang Department of Social Welfare and Development – Assistance to Individuals in Crisis Situation (DSWD-AICS) kag suportaran ang P52.8B supplemental budget, nga may lakip nga P12B nga subsidy para sa mga driver.
Bisan ginpa-iway ang fare hike, nagpagwa ang gobyerno sang P21.47B para sa fuel subsidies.
