Nakumpiskar ang yara sa halos P200,000 nga ginapatihan nga shabu sa duha ka tricycle driver sa gintigayon nga drug buy bust operation sa bahin sang Purok Kaugnayan, Barangay GPS, Koronadal City South Cotabato.
Ginkilala ang mga nadakpan nga sila Jeofrey Danios Robusa, 37-anyos, residente sang Zulueta St., Brgy. Zone 1 sang nasambit nga syudad, kag kaupdanan sini nga si Renan Abung Silva, 35-anyos, residente sang Purok Roamceville, Brgy. Sta.Cruz sang nasambit nga syudad, pawang mga binata kag tricycle driver.
Nakuha sa mga ini ang siyam (9) nga pakete sang gina-patihan nga shabu nga may kabug-aton nga 27 grams kag nagabalor sang halos P200,000.
Maga-atubang ang duha sa kaso nga paglapas sa RA 9165 ukon Comprehensive Dangerous Drugs Act of 2002.
