Ginbawi sang anay suldado kag security aide ni Zaldy Co nga si Olry Guteza ang iya una nga testimonya nga nagdala suno pa siya sang mga maleta sang kwarta sa balay ni anay House Speaker Martin Romualdez.
Suno kay Guteza, ginpwersa lang siya nga maghatag sang amo nga affidavit kabaylo sang kwarta kag scholarship para sa iya mga kabataan.
Ginpahayag niya nga ginpatawag siya suno pa sanday Sen. Rodante Marcoleta kag anay Rep. Mike Defensor sa isa ka Japanese restaurant malapit sa Senado.
Didto, may gin-andam na suno pa nga affidavit nga kinahanglan niya basahon.
Ginpahayag ni Guteza, ang draft sang affidavit ginhimo suno pa sang manugang ni Defensor nga iya ginhingadlan nga “Mark.”
Nakita man suno pa niya mismo kun paano ginbasa kag gin-usisa ni Sen. Rodante Marcoleta ang draft sang affidavit.
Madumduman nga nangin surprise witness si Guteza sa Senate Blue Ribbon Committee hearing sang Setyembre 25, 2025, diin iya gin-akusahan si Romualdez.
Apang sa iya bag-o nga affidavit, ginpahayag niya nga ginpahanumdom pa suno pa siya ni Marcoleta nga indi maglikaw sa iya una nga pahayag.
Ginpahayag pa niya, narealisar niya nga gin-gamit lang siya sang nautod ang komunikasyon sa mga tawo nga nagpromisa sa iya sang bulig.
Samtang, ginahulat pa sang Office of the Ombudsman ang kopya sang bag-o nga affidavit antes maghatag sang komento, samtang ginapangayo pa ang bahin nanday Marcoleta kag Defensor.
