Daw ano ka lawig ang imo nga masarangan kun saot ang pagahambalan?
Basi pa lang kag mapierde mo ining nalab-ot sang isa ka lalaki sa Nigeria nga nakahimo gid sang world record bangud sa kalawigon sang iya nga pag-twerk.
Ini amo si Babajide Israel Adebanjo nga nagpaathag nga indi lamang saot ang iya gusto himuon kundi isa ka misyon agud nga matib-ong ang iya kawsa nga mag-raise sang awareness kaangot sa depression kag kun ano bala ka-importante ang mental health.
“No record is too crazy, too big, too great or too little to achieve. There is always space for everyone and their unique attributes,” paathag sini kun ngaa gusto sini makuha ang world record.
Wala-untat nga nag-twerk si Babajide sa sulod sang tatlo ka oras kag 30 minutos
.Malipayon man sini nga gin-share ang acceptance email halin sa Guinness World Records nga nagakahulugan nga opisyal nga ginkilala sang organisasyon ang iya record-breaking achievement.
Nagpasalamat man ini sa tanan nga nag-suporta sa iya agud nga matapos ang amo nga journey nga puno sang enerhiya kag positibo nga panan-awan.
Para sa Nigerian dancer, indi lamang world record ang iya nahimo kundi isa ka selebrasyon sang determinasyon kag isa man ka panawagan para sa mental health awareness.
