Nagapadayon ang imbestigasyon sang mga otoridad sa nasapwan nga isa ka granada sa Cafe Mindanao kun sa diin nahamtang temporaryo ang talatapan sang SIAP Political Party sa Barangay Rosary Heights 13, Cotabato City.
Ini ang ginkumpirmar sang mga otoridad matapos nga masapwan ang nasambit nga garanada.
Ang Cafe Mindanao ang ginapanag-iyahan sang bata ni Atty. Naguib Sinarimbo nga si Hassan Sinarimbo nga nagaserbe nga temporaryo nga talatapan sang SIAP Political Party sa Cotabato City kun diin ginapatigayon ang mga pagsinapol sang partido.
Suno sa mga ini, maayo na lamang nga wala nagsigabong bangud kun natabo may mga napilasan.
Aminado naman si Atty. Sinarimbo nga madamo ini sang mga nabaton nga pamahog sa kabuhi antes pa man nasapwan ang granada.
Sa karon, ginahibalo na sang kapulisan kun sin-o ang nagbutang sang granada kag kun ano ang motibo sini.
Ginpahugtan naman ang seguridad sa nasambbit nga lugar.
