“Bawal ang Boga”,ini ang matinggas nga pagpamahayag ni Provincial Director Police Colonel Samuel T. Cadungon sang South Cotabato Police Provincial Office ukon SCPPO sa ginpatigayon nga Kapehan sa SCPPO sang damlag lang.
Suno kay PD Cadungon,ginadumilian ang paggamit sang mga improvised Noisemakers ukon Boga bangud ginabayolar sini ang Republic Act 7183 nga nagadumili sa paggamit,paghimo kag pag regulate sa mga nagapamaligya sa hinambitan kag kasubong nga palupok.
Lakip man sa mga gina dumilian nga mga palupok ang 5-star, atomic bombo, atomic triangle, large size judas belt, watusi, poppop, kag iban pa nga ini gin post man sang SCPPO sa ila nga social media post.
Dugang man ni Police LtCol. Hoover Tapang Antonio, COP Koronadal City PNP, ila ginakumpiskar ang mga nagagamit sang boga bangud ini maka sakit sa tao kag maka distorbo sa mga puluy-an.
