KORONADAL CITY- Ginpasiguro sang pamunuan sang Moro Islamic Liberation Front (MILF) nga indi na maliwat pa ang pagka-angkon sang mga ghost employees kun tigayon na nga magpungko ang mga bag-o nga bag-o nga opisyal sang Bangsamoro government.
Ini ang ginpahayag ni MILF Vice Chairman for Political Affairs Ghadzali Jafaar sa interbyu sang Bombo Radyo Koronadal.
Suno kay Jaafar, aminado ang MILF nga nilibo ka mga ghost employees ang nagabaton sang sweldo sa mga talatapan nga sakop sang Autonomous Region in Muslim Mindanao (ARMM) nga nangin rason sa pagkadula sang pondo para kuntani sa mga programa kag serbisyo sang gobyerno.
Samtang, ginpalab-ot man sini sa masobra 6,000 nga mga empleyado nga maapektuhan sa pagkadula sang ARMM nga pagatal-usan sang BARMM nga mahimo pa sila nga maka-apply ilabi na kag sulod ang mga ini sa job qualifications.
Mangin abri man suno pa sila indi lang sa mga Muslim kundi mangin man sa lumad kag Kristiyano.
Nahibaluan nga katunga sang empleyado sang ARMM ang mawad-an sang trabaho magluwas sa mga empleyado sang Department of Education (DepED), Department of Social and Development Office (DSWD) kag iban pa nga talatapan.
Top
