Pinuri ni Senator Sherwin Gatchalian ang pamahalaan sa pagkakasundong “safe passage” deal sa Iran, na itinuturing niyang malaking tagumpay para sa Pilipinas sa gitna ng patuloy na krisis sa langis na dulot ng digmaan sa Gitnang Silangan. Ayon kay Gatchalian, ang kasunduan kung saan pinayagan ng Iran ang mga oil tanker ng Pilipinas na dumaan sa Strait of Hormuz—isang pangunahing ruta ng suplay ng langis sa buong mundo—ay isang mahalagang hakbang upang maprotektahan ang national energy security ng bansa.
“Iran’s commitment to allow the passage of PH-bound oil tankers through the Strait of Hormuz is a critical win for the country’s national energy security,” ani ni Gatchalian, na nagpahayag ng kanyang pagkagalak sa pag-aayos ng isyu. Pinuri rin niya ang mabilis na aksyon ng Department of Foreign Affairs (DFA) at Department of Energy (DOE) na nagsanib-puwersa upang maisakatuparan ang kasunduan, na may layuning matugunan ang kakulangan sa langis at matulungan ang bansa na makabangon mula sa pagtaas ng presyo ng langis.
Ayon pa kay Gatchalian, makatutulong ang kasunduang ito upang mabawasan ang epekto ng patuloy na pagtaas ng presyo ng langis at ang banta ng kakulangan sa suplay sa bansa. Ipinahayag niya rin ang pag-asa na magpapatuloy ang kasunduan at matutulungan nito ang bansa na magkaroon ng sapat na suplay ng langis sa mga susunod na buwan.
Dagdag pa ng senador, ipinagpapasalamat niya ang mga hakbang na ginagawa ng Senate PROTECT Committee, na nagsusulong ng mga contingency plans upang matulungan ang mga Pilipino na naapektuhan ng krisis sa langis.
Ang Foreign Affairs Secretary Ma. Theresa Lazaro naman ay nagkumpirma ng naging pag-uusap nila ni Iranian Foreign Minister Seyed Abbas Araghchi, na nagbigay-daan sa ligtas na pagdaan ng mga barko at Filipino seafarers sa Strait of Hormuz. Ang kasunduang ito ay itinuturing na isang mahalagang tagumpay para sa Pilipinas, na nagpapakita ng dedikasyon ng gobyerno sa pagtutok sa pangangailangan ng enerhiya ng bansa.
