Ginapreparahan sang women’s football team sang pungsod nga Filipinas ang ila hampang sa finals kontra Vietnam sa nagapadayon nga ika-33 nga Southeast Asian (SEA) Games sa Bangkok, Thailand.
Nakasulod sa gold medal match ang Filipinas matapos nila ma lutos ang home team nga Thailand, 4-2 sa penalty shootout, pagkatapos sang 1-1 nga tabla sa extra time. Nakuha nanday Sara Eggesvik kag Hali Long ang decisive nga mga goal para sa Filipinas, samtang napaslawan ang Thailand sa duha ka ila attempts.
Samtang, maatubang nila sa finals ang Vietnam. Kun sila ang magkampeon, amo ini ang una nga tion nga magdaog ang Filipinas sang gold medal matapos nga bronze medals lamang ang ila nakuha sang 1985 sa Bangkok kag na liwat ini pagkaligad sang tatlo ka tuig sa Hanoi.
