KORONADAL CITY-Dako ang nabulig sang ginpatuman nga martial law sa Mindanao ilabi na sa paglagas sang mga terorista nga grupo, private armed groups kag mga drug syndicates sa rehiyon.
Ini ang ginpahayag ni Major Arvin Encinas, spokesperson sang 6th Infantry Division, Philippine Army sa interbyu sang Bombo Radyo Koronadal.
Suno kay Encinas, nga makabulig man ang martial law sa maayo nga governance kag pagpatuman sang kalinong.
Ang matuod suportado man sang nagkalain-lain nga opisyal sa Maguindanao ang nasambit nga laye kag wala man suno pa sila sang nabaton nga mga reklamo ukon paglapas sa kinamatarong sang tawo.
Ini suno pa ang rason nga nagakadapat nga may extension sang Martial law sa Mindanao bangod kay wala ma naubos kag nagapadayon nga nagahimo sang kalakasan ang mga gru[po sang mga ini sa nagkalain-lain nga rehiyon.
Kasubong na lamang sang panibag o nga kalakasan nga ginhimo sang Bangsamoro Islamic Freedom Fighters sa Maguindanao nga nagresulta sa panibag o nga engkwentruhay kun sa diin nagbakwit ang ginatos ka mga sibilyan.
Sa karon nagapadayon pa ang combat clearing operation sang militar batok sa BIFF sa Ampatuan, Maguindanao.
Magalaum naman ang militar nga suportahan indi lamang sang taga Mindanao ang ginaduso nga extensio sang Martial law sa Magasunog nga tuig.
