KORNADAL CITY – Klaro na ang pag atubangay sa congressional seat sang 2nd district sang South Cotabato sa palaabuton nga May 2022 elections sa ulihi nga adlaw sang filing sang COC kong sa diin anay nga gobernador kag duha ka third termer nga mga alkalde ang magka atubangay.
Magkalaban sa pagka-kongresista sang segundo distrito sang South Cotabato anay governor Daisy Avance Fuentes, Tantangan Mayor Benjamin Figueroa kag Koronadal City ex-mayor Peter Miguel.
Una nga nagsang-at sang kandidatura si Miguel nga kaalyado naman ni incumbent Governor Reynaldo Tamayo Jr., nagsunod naman si Fuentes nga kaalyado ni Congressman Ferdinand Hernandez nga kalaban naman ni Tamayo sa pagka-gobernador sang probinsiya sa palaabuton nga eleksiyon.
Ulihi nga nagsang-at sang iya nga COC ang alkalde sang banwa sang Tantangan nga si Figueroa sa idalum ni Senador Manny Pacquiao nga maga papili bilang pangulo sang pungsod.
Samtang, subong nga adalw ang nagpalagas naman sa pagfile sang COC ang ginabakig nga beauty queen sang Koronadal nga si Councilor Mylene Bascon kung sa diin kalaban sini ang incumbent Mayor sang Koronadal nga si Mayor Eliordo Ogena.
