Gintudlo ni anay House Speaker Romualdez si Former Senate President Francis “Chiz” Escudero kag isa pa ka opisyal nga may direkta nga kontrol sa desisyon sa pondo, apang wala niya ini ginhingadlan.
Suno sa iya, ang pag-apruba sang national budget resulta sang proseso nga nagalangkob sa Ehekutibo, Kamara, kag Senado.
Ginpunto man niya nga ang mga mamalidha ang wala sang direkta nga papel sa procurement, inspeksyon, kag aktuwal nga konstruksyon sang mga proyekto.
Ginpaklaro man niya nga wala siya sang kaangtanan sa bicameral conference committee ukon small committee nga nagfinalize sang budget sa likod sang closed-door meetings.
Para mapamatud-an ang iya kahimakas, ginhangta ni Romualdez ang publiko nga tan-awon ang mga proyekto sa iya distrito sa Tacloban, kag ginpahanugutan ang pagpagwa sang listahan sang tanan nga proyekto angot sa transparency.
Ginpabug-atan man niya nga ang command responsibility sa implementasyon yara sa Ehekutibo, partikularmente sa Department of Public Works and Highways (DPWH), indi sa Kamara ukon Senado.
