Aminado si ACT-CIS Party-list Rep. Erwin Tulfo nga may kakulangan ang layi para sa mga solo parent bisan pa manami ang tuyo sini.
Suno sa mamalidha nga sa idalom sang Expanded Solo Parent Act of 2022 kinanglan makadawat sang bulanan nga allowance nga P1,000 ang indigent single parents kag discount sa pipila ka mga grocery items.
Apang suno sa kongresista nga kun indi kulang, delayed ukon wala sang mahatag nga bulanan nga allowance sa mga solo parents.
Kadam-an sa mga lokal nga gobyerno ang indi bal-an kun sa diin sila magkuha sang pondo para sa solo parents labi na sa mga magagmay nga mga munisipyo.
Magin ang commercial establishments ang nagareklamo nga magakalugi sa damo sang mga discount nga ila ginahatag sa senior citizen kag PWDs apang wala sila sang bulig halin sa gobyerno.
Amo gin propose ni Rep. Tulfo ang pagrepaso sa layi kung sa diin ang mga pondo nga igahatag para sa nagapangabudlay nga solo parents ang pagakwaon halin sa gobyerno.
