Ginluthang-patay ang isa ka engineer sa 2nd floor sang ginahimo nga KCC Mall of Cotabato City subong nga alas-2 sang hapon.
Gikilala ang biktima nga si alyas Engineer Roland, na suno sa mga awtoridad, naka-agom sang tatlo nga igo sang bala sa dughan, likod, kag tiil.
Suno sa mga awtoridad, ang biktima ang nagikan pa sa Cebu City samtang ang upod sini nga pilason ang gindangat naman sa Cotabato Regional and Medical Center para medikal nga atensyon.
Bangud sa nagluntad nga insidente, temporaryo nga untaton ang operasyon sa mall samtang magapatigayon naman sang id id nga imbestigasyon ang PNP kag Marines agud mahibaluan kag na-arestar ang suspek sang pagpangluthang-patay.
Samtang, isa ka person of interest ang na-arestar sang mga operatiba nga yara na sa subong sa Police Station 1 sang siyudad.
Ginpa-idalom naman sa interogasyon sang mga awtoridad ang nadakpan nga person of interest. #
