KORONADAL CITY – Pilason ang duha ka tao kalakip na ang isa ka aktibo nga miyembro sang CAFGU sang 27th IB, Philippine Army sa nagluntad nga clan war sa banwa sang Tboli, South Cotabato.
Ini ang ginkumpirmar ni Police Major Bernie Faldas sa eksklusibo nga interbyu sang Bombo Radyo Koronadal.
Ginkilala ang mga biktima nga sanday Pablo Gan Saw, 51 anyos, may asawa kag aktibo nga CAFGU member sang Delta company sang 27th IB kag Jake Pareñas Sinaon, 34 anyos, mangunguma kag miyembro sang Palon’s clan nga lunsay naigo sang nagkalain lain nga sahi sang armas luthang sa nagkalain lain nga bahin sang ila nga lawas
Madugay na suno pa nga away sa duta ang away sang duha ka angkan.
Nakuha san lugar sang nagresponde nga mga operatiba ang 14 ka bilog sang fired cartridge sang cal. 5.56 mm; 4 ka bilog sa fired cartridge sang cal.9 mm; kag isa ka wad sang 12 gauge shotgun.
Dugang pa ni Major Faldas nga sa subong nagapadayon pa ang ila imbestigasyon sa nasambit nga panghilitabo.
