KORONADAL CITY- Duha ka kaso sang monkeypox virus ang narekord sa Australia sa diin may isa ka kaso sa New South Wales kag ang isa naman sa Victoria.
Ini ang ginkumperma sa Bombo Radyo Koronadal ni Bombo Denmark Suede, BINC to Australia sa interview sang Bombo.
Ginpahayag sini nga natukiban sang NSW case sa isa ka 40-anyos nga lalaki nga nakadevelop sang mild illness, pila ka adlaw antes ini nakabalik sa Europe.
Naka isolate man sa karun ang mga upod niya sa panimalay.
Suno naman sa pahayag ni kay Dr Kerry Chant, state’s chief health officer, nagapatigayun pa sila sang preliminary test kag padayun pa ang pagpatigayun sang testing.
Return traveller naman ang sa Victorian case nga gikan sa pungsod UK.
Isa ka 30-anyos nga lalaki ang nakadevelop sang mild symptoms bag-o siya nagbalik sa Melbourne sang Mayo 16 kag gilayon nga gintagaan sang medical attention.
Dugang pa ni Suede, nakumpirma na ang testing nga may virus kag yara sa gihapon sa isolation kag may ara sini sang mild symptoms.
Isa man ang pungsod Australia nga yara sa growing liust sang nasyon nga apektado sang rare tropical illness lakip na ang Italy, Sweden, Spain, Portugal, the US kag UK.
Masami nga nagluntad ang Monkeypox sa central kag western Africa, masami man sa tropical rainforests kag makonsidera man nga endemic sa Democratic Republic of Congo, nga una nga nadiskubrehan sang tuig 1970.
Mahimo nga malatnan sang sakit gikan sa isa ka tawo pakadto sa isa ka tawo paagi sa air droplets, close bodily contact ukon pag share sang contaminated linens ukon objects.
Nahibaluan nga 4 ka pungsod sa kontinente sang Africa lakip na ang Cameroon, Central African Republic, Democratic Republic of Congo kag Nigeria ang may kaso na sang monkeypox sang 2022.
Isa ka rare virus ukon tumalagsahaon lamang nga virus nga indi man madasig makalaton bangud gakinahanglan ini sang “prolonged face-to-face contact” agud nga maltanan ka sa nasambit nga balatian.
