-- ADVERTISEMENT --
Arestado sang mga awtoridad ang duha ka dealers sang shabu sa Mother Barangay Poblacion sa Cotabato City sang Kahapon sang Huwebes, Nobyembre 20, 2025.
Ginkilala ang mga suspek nga sanday Tato Mohammad Rakim, 30 anyos, kag ang iya 30-anyos nga upod nga si Joanna Kutap Senda.
Malampuson nga na arestar ang duha ka suspek sa gin patigayon nga anti-narcotics operation sang mga awtoridad.
Samtang, wala na nakapalag ang mga suspek sang gin-aresto sila sang mga indi-unipormado nga anti-narcotics agents nga ila nabaklan sang 305 gramos sang shabu, nga may balor nga P2 milyon, sa nasambit nga Barangay.
Sa subong, ang duha ka suspek nagapangatubang na sa kaso nga paglapas sa Comprehensive Dangerous Drugs Act of 2002.
