KORONADAL CITY – Yara na sa kustodiya sang kapulisan ang duha ka indibidwal nga naaresto sang kapulisan bangud sa pagbaligya sang smuggled nga sigarilyo sa banwa sang Isulan, Sultan Kudarat.
Ginkilala ang mga naaresto nga sanday alyas Abo, 21 anyos, single kag alyas Ali, 25 anyos soltero lunsay mmga vendor kag residente sang at residente sang
Purok Bagong Silang, Barangay Kalawag 2 sa nasambit nga banwa.
Naaresto ang mga ini paagi sa gintingob pwersa sang Isulan Municipal Police Station kag Tracker Team Delta Regional Intelligence Division (RID12) kun diin nadakpan sa akto nga nagabaligya ang mga ini sang smuggled nga sigarilyo.
Ang in inga operasyon ang may koordinasyon sa Bureau of Customs (BOC), kapulisan kag local government unit sang Isulan.
Nakumpiska sa mga suspek ang kabug-usan nga 335 nga ream sang assorted nga sigarilyo kag kwarta nga gingamit sa transaksyon.
Ginabulubanta nga yara sa ₱150,000.00 ang kantidad sang nakumpiskar nga mga smuggled nga sigarilyo.
Natalana naman nga pasakaan sang kaso nga paglapas sa section 10 sang RA 10643 ang mga naaresto.
