Naaresto ang isa ka 45-anyos nga high value Individual matapos makuhaan sang Php1.2 milyon nga kantidad sang shabu sa ginpatigayon nga drug buy-bust operation sang PNP sa Brgy. Kalaisan, Kidapawan City.
Suno kay PBGen Percival Augustus Placer, Regional Director sang Police Regional Office 12, ginpatigayon sang mga operatiba gikan sa Regional Police Drug Enforcement Unit 12, Kidapawan CPS, RSOG 12, RIU 12, PDEG SOU 12, RID 12, 1st CPMFC , CPPO-PDEU kag North Cotabato Highway Patrol Team ang operasyon batuk kay alias “Yan-yan”, 45 anyos, may asawa, mangunguma kag residente sang Crossing Conel, Lagao, General Santos City.
Nagalab-ot sa 181 gramo sang ginapatihan nga shabu ang nakumpiska sa suspek nga nagakantidad sang Php1,230,800.
Natalana naman nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang suspek.
