KORONADAL CITY– Nagapadayon ang imbestigasyon sang Koronadal City PNP sa nagluntad nga pagpangluthang sang riding in tandem sa syuda sang Koronadal kahapon sang hapon.
Nagluntad ang insidente sa Prk. Riverside Brgy. Sto. Niño, kun sa diin ang biktima ginkilala kay William Villanueva Pareja, 49 anyos nga residente sang nasambit nga lugar.
Sa ekalusibo nga interbyu sang Bombo Radyo Koronadal sa bata sang biktima nga si Janine Pareja, nasapwan na lamang nga nakahapa ang amay sini nga nagapaligo sa kaugalingon nga dugo matapos gintiro sang wala pa makilal an nga suspek.
Nakaangkon ang biktima sang apat nga igo sang bala sa iya ulo nga nangin tunaan sang gilayon sini nga kamatayon.
Suno naman kay Brgy. Sto. Niño kapitan Norberto Bañaria, anay nga yara sa drug watchlist nila ang biktima kag nagsurface na apang ginahibalo pa kun may koneksyon ang pagpatay sa iligal nga droga kag ginatan aw man ang anggulo sang personal nga away.
